La vischnanca da Buseno sa chatta en la part meridiunala da la Val Calanca. Fin il 1851 ha appartegnì Buseno a la vischnanca da Calanca, dapi alura è ella ina vischnanca autonoma. Il center sa chatta sin ina terrassa sin la spunda dretga da la Calancasca. Buseno cumpiglia era ils aclauns en muntogna S. Carlo (mises) e Giova; quest'ultim appartegneva antruras a San Vittore ed è vegnì attribuì a Buseno il 1899 tras votaziun chantunala. [Tenor e-lir].

(Foto: Adrian Michael / CC BY-SA 3.0)