La diocesa da Cuira è vegnida endrizzada en il quart tschientaner en il territori da la Currezia. Ins po perquai supponer ch’ina emprima catedrala era gia vegnida erigida enturn il 450. L’edifizi da la catedrala odierna è vegnì erigì tranter il 1150 ed il 1272. Suenter il brischament da la curt episcopala il 1811 è quel vegnì cumplettà cun il clutger odiern (1828/29) ch’ha remplazzà la tur precedenta d’enturn il 1500.
(Foto: Claus Ableiter / CC BY-SA 3.0) |