L'avertura da la nova via tranter Lavin ed Ardez il 1860, ch'ha dà impuls da construir a tut l'Engiadina Bassa, ha paralisà Guarda, la vischnanca da terrassa situada survart. L'emigraziun ch'ha cumenzà cun quai ha gì ses effect: tranter il 1890 ed il 1970 n'è vegnida erigida gnanc ina chasa nova. A quest'interrupziun da construcziun èsi d'engraziar che la structura da vischnanca purila da Guarda è sa mantegnida per gronda part. A l'iniziativa da Jachen Ulrich Könz è d'attribuir la restauraziun sistematica da Guarda ch'è vegnida realisada durant ils onns da guerra 1939 fin 1945 cun agid da numerusas instituziuns.

(Foto: Friedrich Böhringer / CC BY-SA 3.0)