Sedrun è il lieu principal ed il center administrativ da la vischnanca politica da Tujetsch. La baselgia da S. Vigeli vegn menziunada per l'emprima giada il 1205. Il 1796 ha Lucas Cavegn laschà eriger l'emprim hotel a Sedrun (Hotel Cruna). A la fin dal 19avel tschientaner han inizià ses descendents il svilup turistic en il Tujetsch. La scola da skis a Sedrun è vegnida fundada il 1929 sco ina da las emprimas en Svizra. Il 1947 è vegnì construì l'emprim runal. Suenter il 1960 ha il turissem fatg in svilup rasant. Sut Sedrun sa chatta in'entrada al tunnel da basa dal Gottard (Porta Alpina). [Tenor e-lir].
(Foto: Paebi / CC BY-SA 3.0) |