L’Alpsu u Cuolm d’Ursera (tudestg Oberalppass) furma in pass alpin a 2044 m che collia la Val Tujetsch cun la Val Ursera. Il pass collia, ensemen cun il Furca, las vals dal Rodan e dal Rain Anteriur. La claustra da Mustér aveva promovì dapi il temp autmedieval l'urbarisaziun e la colonisaziun da la Val Ursera, nua ch'ella possedeva dretgs suverans e numerus bains. En il 12avel e 13avel tschientaner èn immigrads Gualsers dal Vallais e da la Val d'Ursera sur il Cuolm d'Ursera en Surselva. Il 1862-63 è vegnida erigida la via charrabla. Il 1911 han inizià las lavurs da construcziun da la Viafier Furca-Alpsu, ina viafier a binari stretg e per part a roda dentada (en funcziun dapi il 1926). [Tenor e-lir].

(Foto: David Gubler [Kabelleger] / CC BY-SA 3.0)