«Veglia Confederaziun» è il num per la Confederaziun svizra sco ch’ella ha existì da las emprimas lias en il 13avel/14avel tschientaner fin l’invasiun franzosa e l’entschatta da la helvetica l’onn 1798. La Veglia Confederaziun era in’allianza plitost lucca che vegniva dominada dals interess da pussanza dals singuls commembers. Ella consistiva dals singuls chantuns (otg a partir dal 1353, 13 a partir dal 1513) cun lur terras subditas e cumpigliava er divers alliads. |