Da la substanza oriunda da l'implant dal 13avel tschientaner èn sa mantegnidas mo paucas restanzas dal palaz da trais plauns e dal mir da tschinta da la vart da la muntogna. Vers la fin dal 15avel tschientaner è il chastè vegnì bandunà ed è menziunà il 1548 sco ruina. Enturn il 1600 ha laschà construir Andreas von Salis sin l'areal da la ruina in nov edifizi. A la fin dal 18avel tschientaner è l'implant vegnì bandunà definitivamain ed è alura ì en muschna. [Tenor e-lir].

(Foto: Adrian Michael / CC BY-SA 3.0)