La Chasa Jaura a Valchava è il museum istoric da vallada da la Val Müstair. L'exposiziun da la cultura da viver e d'abitar tradiziunala vegn cundida regularmain cun art e cun lavur culturala contemporana e surregiunala. En l'anteriura chasa purila – en ses vestgì actual che datescha dal 18avel tschientaner tempriv – sa chatta tranter auter ina ferrera istorica, ina chascharia d'alp ed ina cuschina. Las exposiziuns alternantas confereschan a la Chasa Jaura a medem temp la funcziun d'in center modern d'art e da cultura. [Tenor Museums grischuns].

(Foto: Xenos / CC BY-SA 3.0)