La litteratura da viadi relativa al Grischun cumpiglia descripziuns ed aventuras da viadi tras il Grischun, rapports da fatgs scientifics, economics e politics, intermediaziuns d’impressiuns persunalas sco era guids e manuals da viadi. Il document il pli vegl davart il Grischun sco regiun da transit, l’«Itinerarium Antonini» dal quart tschientaner tempriv, menziunescha la ruta dal Spleia. Rapports per propi suondan lura a partir dal 15avel e 16avel tschientaner. [Tenor e-lir].