Da tut las vipras enconuscha la vipra berus il pli grond territori da derasaziun. Quel tanscha da l’Europa Centrala sur l’Europa dal Nord fin en Russia. En Svizra la chatt’ins prevalentamain al nord da las Alps ed en il nordost da la Svizra. La vipra berus viva tant en la planira sco er en autezzas fin a 2600 m. Il center da derasaziun è situà a circa 1600 m autezza.
(Foto: Metalmike / CC BY-SA 3.0) |