Launa sa lascha gudagnar da differents animals da niz sco la nursa, il chamel, il lama/l’alpaca, il cunigl d’angora u la chaura da kaschmir. La launa la pli enconuschenta e derasada è quella da la nursa. La launa tundida sto l’emprim vegnir lavada e deliberada dal tschuf e dal tuffien. Per che la launa daventia loma e fina vegn ella silsuenter stgarsinada. Quai succediva pli baud cun agid da barschuns spezials, ils stgarsins. Ozendi vegnan tut ils process da lavur, tant il lavar sco il stgarsinar, per regla fatgs cun agid da maschinas spezialas.

(Foto: Paul / CC BY 2.0)