Sco il num di vivan ils masets da muntogna en la regiun alpina. Sco la gronda part dals masets restan er els en la regiun durant l’enviern, dischlocheschan però en regiuns pli bassas. Els gnivan en cuvels ch’els fabritgeschan en mutagls marschs. La part sura dal chau, la tatona ed il mintun èn da colur naira. Las vistas ed il venter en alvs ed il dies brin grisch. A l’emprima egliada sa lascha il maset da muntogna strusch differenziar dal maset da palì. Tar il maset da muntogna è la surfatscha naira dal mintun dentant pli gronda, plinavant sa distingua el tras parts cleras vi da las alas.

(Foto: Francis C. Franklin / CC BY-SA 3.0)