L’Uaul Prau Nausch che cumpiglia bundant 65 ha na vegn dapi il 2007 betg pli explotà da l’economia forestala. Il reservat da guaud duai porscher ina patria a spezias raras d’animals e da plantas e servir sco object didactic visual per observar e perscrutar il svilup natiral da guauds da muntogna. A la populaziun da la regiun porscha il guaud in spazi da recreaziun singular e dat in’interessanta invista en la vita dal guaud. Il num local «Uaul Prau Nausch» raquinta anc oz dal temp che quest territori da guaud vegniva pasculà. I sto però esser stà ina povra pastgira, nua che mo las chauras chattavan insatge da magliar.
(Foto simbolica: Daniel Stricker / pixelio) |