Suenter l’emprendissadi da commerzi a Modena è Gian Fadri Caderas stà impiegà en fatschentas ladinas a Modena, Bologna e Casale Monferrato (Piemunt). Il 1856 è Caderas turnà en l’Engiadina, nua ch’el è stà emploià da banca a S-chanf fin il 1875, alura proprietari d’ina agenzia d’assicuranzas a Samedan. Redactur da la revista «Il Progress» 1872–73 e da la gasetta «Fögl d’Engiadina» 1880–91. Liricher melanconic e sentimental, poet da la natira e da l’encreschadetgna, influenzà da la romantica europeica. Caderas ha era scrit diversas novellas e translatà lirica europeica. [Tenor e-lir].