Tar Son Gagl sa tracti dal pli vegl ospizi da l'abazia da Mustér, situà a 1660 m a la ruta dal Lucmagn. La chaplutta, consecrada als sontgs Gagl e Martin, vegn menziunada il 1221, l'ospizi il 1261. Son Gagl è il pendant da l'ospizi a Casatscha (Luorscha/TI) al sid dal Pass dal Lucmagn. En il temp medieval tardiv han existì, sper Son Gagl, l'ospizi da Sontga Maria (pli impurtant), erigì il 1374 sin il pass, ed ina susta a Son Gions. L'ospizi da Son Gagl, reconstruì il 1688 e renovà il 1929, è oz bandunà. [Tenor e-lir].

(Foto: Adrian Michael / CC BY-SA 3.0)