Il num Anugl (tschanc, botsch) è in'allegoria dal torrent. Il 1579 èn attestads in mulin e divers edifizis annexs a Surnolla. Dal 1674 èn documentadas per l'emprima giada bovas en la part sura da l'Anugl e bains devastads. La planira da la Tumleastga è vegnida cuvrida per part da glitta da l'Anugl. Enturn il 1750 èn grondas parts dals bains da Tschupegna glischnadas giu en la chavorgia da l'Anugl. Donns considerabels tras l'aua gronda dal 1868. Correcziun, rempars ed emplantaziuns en la regiun da las funtaunas da l'Anugl durant il 19avel e 20avel tschientaner. [Tenor e-lir].

(Foto: Adrian Michael / CC BY-SA 3.0)