Las Agnas eran il lieu da dretgira criminala da l'Engiadin'Ota sco era in lieu da recrutaziun e da susta. Tar l'ustaria veglia vegniva tegnì cumin mintga dus onns. Sco lieu da scuntrada furmava quest'ustaria il center da l'Engiadin'Ota. Il num Funtauna Merla designescha in spelm cun funtauna en vischinanza da Las Agnas. Quel separava oriundamain las duas plaivs da l'Engiadin'Ota. En occasiun da la correcziun da l'En (1856) han ins minà il spelm per gudagnar crappa per la construcziun dal rempar. [Tenor e-lir].

(Foto: PD via Wikimedia Commons)