Gia per il temp da bronz è attestà in viv commerzi tras il Surses e sur ils pass alpins. Exchavaziuns sin il Güglia han mess a la glisch in sanctuari roman che cumpigliava era las duas colonnas anc oz visiblas. Cun la construcziun d'ina via charrabla sur il Set ha il Güglia pers definitivamain si’impurtanza suenter il 1387. La via dal Güglia è vegnida construida il 1820-26. A partir dal 1850 è il pass daventà impurtant oravant tut per il traffic da transport als novs lieus da cura da l'Engiadin'Ota. L'avertura da la Viafier da l'Alvra (1903) ha quasi interrut il traffic sur il Güglia. [Tenor e-lir].

(Foto: Adrian Michael / CC BY-SA 3.0)