Fracziun da l'anteriura vischnanca politica da Buond (dapi il 2010 vischnanca da Bergiaglia), construida lung la via en la part sut da la Bergiaglia. In grip traversal sur Promontogno divida la Bergiaglia en duas unitads geograficas ed istoric-politicas: Sottoporta e Sopraporta. Grazia a l'Hotel Bregaglia, construì il 1875-76, è sa fatg valair a Promontogno in svilup turistic. [Tenor e-lir].

(Foto: Adrian Michael / CC BY-SA 3.0)