Igl è in thriller alpin cundì cun savur artistica ed in’affera marusa. El fa reverenza a las termas da Val da l’architect Peter Zumthor. Il cudesch da comic da Lucas Harari datti sut il titel «La Calamita» er per rumantsch. Per fans da comics èsi in giudiment ed er amaturs da l’architectura u da la cultura pon avair tschaffen. Ma il comic pledenta insumma tuts ch’han ina giada visità questas termas e ch’enconuschan lur tempra magica. [Tenor ANR]. |