La pel è l'organ sensitiv il pli grond da l'uman. Sin ina surfatscha da radund dus meters quadrat èn distribuidas cellas sensitivas senza fin. Betg tuttas reageschan sin ils medems impuls. In pèr èn spezialmain sensiblas per contacts, autras mesiran la temperatura ed ina terza gruppa da cellas sensitivas reagescha mo sin impuls ferms e dolurus. Cun agid da la gnerva transmettan las cellas sensitivas lur impressiuns al magugl dal dies e da là vinavant al tscharvè.

(Foto: jean jannon / pixelio)