Braggio è situà a 1320 m sin ina terrassa da la vart sanestra da la Val Calanca ed è cuntanschibel mo cun ina teleferica (construida il 1961) e sur ina via da sauma. L'economia d'alp e las entradas dals emigrants (vaidrers, vendiders da rascha) han furmà ditg la basa economica dal vitg. I dat anc oz diversas famiglias da purs a Braggio. Dapi il 2015 fa Braggio part da la vischnanca Calanca. [Tenor e-lir].
(Illustraziun: Bernina / CC BY-SA 3.0) |