La menta crescha quasi dapertut en Europa. I sa tracta d’ina planta resistenta e chagliusa cun bleras sutspezias. La menta che cuntegna bler mentol vegn duvrada per far tés e zutgerins. En cuschina vegnan per regla duvradas las sorts da menta che cuntegnan plitost pauc mentol. Ins las dovra per salatas frestgas e desserts, ma er per cundir sosas da charn-selvaschina u spaisas orientalas. Sco tar tut las ervas rinfrestgantas duess ins duvrar en cuschina sche pussaivel la feglia frestga da la menta.
(Foto: christian alex / pixelio) |