Var 400 plantas estras prospereschan en Svizra. La gronda part na fa nagins problems. Ma intginas «plantas invasivas» chaschunan difficultads da sanadad u fan problems economics u ecologics. Da preschent vegn savens discurrì da l’ambrosiana: Igl è ina planta che sa derasa plaunsieu en Svizra e ch’ins na less pli gugent betg ch’ella crescha en l’atgna vischinanza. L’ambrosiana provotgescha reacziuns alergicas – per part fitg fermas. Perquai emprovan ins da tegnair a mastrinas la derasaziun u schizunt d’extirpar l’ambrosiana. [Tenor ANR].
(Foto: Brunga / CC BY-SA 3.0) |